رباعيــات المـوت والمــيلاد (عبرالرحيم منصور)

طعم البيوت في الشوارع

طعم الشوارع بيوت

الخطو طالع وراجع

بيتولد ويموت

سيبوني أمشى لوحدى

سيبونى أتوه عريان

الدنيا توب على قدي

وما اطقش أنا الغطيان

فيه طير بيرجع لعشه

وطير بيفضل مسافر

وطير ماهوش لاقي قشه

وطير مهاجر مهاجر

عرفت عتبات بيوت

لكن ما خطيتهاش

ودقت ياما الموت

والقلب برضك عاش

أنا غنوه مش لاقيه قلب

مش عايزه في الضل أموت

خدوني كسوه ودرب

شبابيك تستر بيوت

الدنيا دامت لمين

وكيف تدوم على حال

ما بين بكا وحنين

وبين ميلاد وزوال

حنان صبحى الصاوى

فاطمة الزهراء محمود العوضى

رابعة اعلام عام