رديت عليها لقيتها بتزعق جاااامد جدا
بتقولى فتحتى عليا ليه دى اخر دقيقة
أنا مش معايا كرديت ـ يعنى رصيد ـ فجأة طلعت غلطانة لانى برد على تليفونى
فسألت نفسى هو كان المفروض انى اسيبها ترن كده و خلاص
هى بتتصل ليه يعنى ايه الهدف من الرنة ؟
وتخيلت ان لو دى القاعدة العامة يبقى الناس حتبطل تكلم بعض
كفاية انى ارن عليكى
انتى تستنتجى ان انا كويسة و بخير و كل حاجة ماشية تمام
و بكده نبقى لغينا الهدف من استخدام الموبايل
ا انا لو عايزة جهاز يفضل يرن عمال على بطال كنت اشتريت منبه
على الاقل المنبه بيرن بسبب
انما الموبايل بأه بيرن من غير سبب.
بجد حاجة غريبة
وكأن كل الشباب رفعت شعار أنا أرن أذا انا موجود ..!!!؟؟؟
سعاد محمد حبيب ابو النور
الفرقه الرابعه اعلام عام
ليست هناك تعليقات:
إرسال تعليق